 |
21.08 - 03.10 Utstilling
Kystsogevekeutstillar 2010 er fotograf Torleiv Tveit frå Sveio.
Torleiv Tveit er oppvaksen på Bjoa, og flytta seinare til Jæren der han var aktiv i eit levande fotokunstmiljø. Han har delteke i konkurransar og utstillingar både innan- og utanlands, og har fått internasjonale og norske ærestitlar.
Torleiv Tveit har hatt utsmykkingsoppdrag, delteke på kollektivutstillingar og hatt ei rekkje separatutstillingar. Det er tredje gongen han stiller ut i Moster Amfi, men for første gong som separatutstillar.
Inspirasjon finn han i alt det vakre og spanande naturen har å by på, gjennom skiftande årstider og vilkår. Han ser på naturen som ei utømeleg kjelde av motiv, og den har i alle år vore hans fremste inspirasjon.
I 2005 gav han ut boka Bergtatt av landet, med dikt av lyrikaren Olav H. Hauge. Bileta i boka er henta frå eit langt liv bak kamera. Torleiv Tveit har eige galleri, Galleri Tveit, i Sveio.
Utstillinga opnar: Laurdag 21. august kl. 12.00
Opnar: Håkon Randal
Musikkinnslag: Kristoffer Grindheim / Joakim Vikanes
Opningstider:
- Måndag-fredag kl. 10-15
Søndag: kl. 13-17 (august)
kl. 16-19 (sept./okt)
Fri entrè
|
|
